Devesh Pareek

Category Archives: Hindi

Sapno ki duniyaan se bahar nikel le

Hakikat se tu thoda waasta rakh le

Sapno me jo yon hi khota gaya tu

Apno se durr hota gaya tu

Ab bhi hai waqt, thodi kadra kar le

Hakikat se tu thoda waasta rakh le

Jo ab bhi na mana to kuch na rukega

Jo hota raha hai woh hota rahega

Badalna hai mushquill,

badalna hai tujhko

Kar khud pe bharosa,

azma zindagi ko

Kalpana ki udaneein na ud tu abhi se,

zameen pe pakad kuch majboot karle

Kab tak kanton se tu bach ke rahega,

jo aaye dagar pe to un par bhi chal le

 

Ummeed hai tujhse tere apno ko,

aaya hai ab mauka usse poora kar de

Har ek nigah ab tujh par tiki hai,

asha ki kiran kahi kho gayi hai

Tu saabit kar de woh sab sahi the,

bharosa kiya tha jo tujpe sahi tha

Kiya tha jo waada khud apne se,

Poora kar de usko GHADI AA GAYI HAI

ghadi aa gayi hai….!

Advertisements

Rah me hua andhera rahi

Kash-ma kash ajeeb hui

ab teri rah na rahi

pehle si aasan rahi

bhulbhullaiya hai sun rahi

sambhal-sambhal k badhna

raasta bada lamba hai lekin 

himmat se tu kaam lena

 

manzil teri ek

hai raastein anek

manzil ko jo hai tujhe pana

to tu karle ek irada

to bhool ja ab duniyaan ko

tu rah pakad le apne

mushquillein bahout aayengi

taqleaf bahout hogi

par rukana nahi rahi

par thamna nahi rahi

 

shanshaya hata de saare

sandeh se tu pare hat

digna nahi hai path se apne 

tu aisa nishchaya kar man me

rukna nahi hai tujhko rahi

tu to bus badhta chal

 

apni gati badha le rahi

thamti nahi jo gati waqt ki

chalta chal to aisa rahi 

dekh manzil aane ko hai

andehera sab chaat chuka hai

dekh bhor hone ko hai


Waqt hai kya yeh sahi

yaa karu mein intezar abhi

kahu mein kya woh sab yahi

Yaa ruku mein kuch aur abhi

Dastak yeh dil jo de raha hai

sun loo use ya mein daba do

waqt hai kya yeh sahi

yaa karu mein intezar abhi

keh raha hai dil yeh mera

keh hi dalo mein sab abhi

dooriyaan aur faasle mita dalu sabhi abhi

do pal k is safar pe kho na jaye ab hum kahi

zindagi k is safar pe saath me hum tum chale

reh na paunga mein ab aur zayda tere bin

rehguzar-e-humsafar kar na ab hum par sitam

aa mere kuch pass aa ja kuch is dil ko bata ja

na tu ab inkaar kar

waqt hai ikraar kar

Intezar mujhe bus tera

tere dil-e izhar ka